ÚTGÁFA FRÁ 24. NÓVEMBER 2022

1. INNGANGUR

Sænska einkahlutafélagið Nordic Legal Entity Identifier AB, fyrirtækjanúmer 556708-1699, („NordLEI“) er viðurkenndur rekstraraðili (Local Operating Unit („LOU“)) innan GLEIS-kerfisins (Global Legal Entity Identifier System) og veitir viðskiptavinum sínum (hver um sig nefndur „notandi“) LEI-þjónustu í þeim lögsagnarumdæmum sem tiltekin eru á www.gleif.org og í lögsagnarumdæmum sem falla ekki undir LOU-vottun NordLEI með samstarfi við valda og vottaða LOU-rekstraraðila („þjónustan“). Notandinn skal vísa til lögaðilans sem sækir um einstakan LEI-kóða fyrir eigin hönd, fyrir hönd tengds aðila eða þegar hann kemur fram fyrir hönd annars aðila (er t.d. fulltrúi eða umboðsaðili). NordLEi er einnig vottað fyrir skráningu fjárfestingarsjóða í GLEIS samkvæmt ROC-stefnunni um tengsl sjóða.

GLEIS er undir eftirliti GLEIF-stofnunarinnar (Global Legal Entity Identifier Foundation). LEI-kóðar og viðmiðunargögn lögaðila verða opinber gögn, sem eru birt í skránni Global LEI Index sem hýst er á www.gleif.org.

Ákvæðin og skilmálarnir eiga við um alla reikninga og LEI-kóða í NordLEI gáttinni.

2. AFHENDING ÞJÓNUSTU

NordLEI veitir þjónustuna á vefsvæði NordLEI www.nordlei.org, þar sem notandinn stofnar reikning. Með reikningnum getur notandinn skráð nýja LEI-kóða og endurnýjað eða flutt núverandi LEI-kóða. Til að nota þjónustuna verður notandinn að veita áskilin viðmiðunargögn lögaðila („LE-RD“) sem nauðsynleg eru fyrir LEI-kóða. Auk þess heldur NordLEI utan um skilríki, samskipta- og innheimtugögn er varða beint samband við notandann.

Með því að samþykkja þessi ákvæði og skilmála samþykkir notandinn að NordLEI vinnur allar persónuupplýsingar eins og kveðið er á um í persónuverndarstefnu NordLEI www.nordlei.org/privacy-policy („persónuverndarstefnan“). Í persónuverndarstefnunni er fjallað um hvernig NordLEI hefur umsjón með og notar persónuupplýsingar, sem og hvernig persónuleg friðhelgi er vernduð við notkun á þjónustunni. Hvað varðar þjónustu í lögsagnarumdæmum sem falla ekki undir LOU-vottun NordLEI verða allar persónuupplýsingar unnar af NordLEI fyrir hönd LOU-samstarfsaðilans sem notaður er í viðkomandi lögsagnarumdæmi.

Auk vara til eins árs býður NordLEI upp á þann valkost að kaupa endurnýjun á LEI-kóða til margra ára í senn („vörur til margra ára“). Á síðari árum allra vara til margra ára sem eru keyptar mun NordLEI sjálfkrafa uppfæra þann LEI-kóða samkvæmt breytingum sem gerðar eru á viðeigandi fyrirtækjaskráningargögnum.

Ef aðilinn hættir að vera til, verður gjaldþrota eða álíka er ekki um neina endurgreiðslu að ræða, hvorki fulla né að hluta.

3. GILDISSVIÐ OG VOTTUN

Réttur aðila til að sækja um og fá LEI-skráningu er skilgreindur á víðan hátt í tilmælum 8 í meginreglum um rekstraraðila, sem hægt er að nálgast á www.financialstabilityboard.org/publications/r_120608.pdf. Í flestum tilfellum er vottunarferli aðila sem eru skráðir í fyrirtækjaskrá (eða sambærilegri skrá) einfalt ferli þar sem notast er við upplýsingar frá opinberum aðilum. En í sumum tilfellum teljast aðilar ekki hafa aðskilda réttarstöðu lögaðila. Slíkir aðilar kunna að uppfylla skilyrði fyrir LEI-skráningu að uppfylltum ákveðnum skilyrðum til að teljast fjárhagslegir mótaðilar sem lúta upplýsingaskyldu (samkvæmt EMIR, MiFIR eða álíka löggjöf), t.d. eru einkaeigendur, sjóðir eða skráð sameignarfélög sem geta stundað sjálfstæð fjármálaviðskipti.

4. SKYLDUR NOTANDANS

Notandinn, þegar hann kemur fram fyrir hönd annars lögaðila, ábyrgist að hafa heimild til að vera fulltrúi lögaðilans í einu og öllu varðandi LEI-kóða.

Notandinn ber ábyrgð á nákvæmni LE-viðmiðunargagna og annarra aðilagagna sem NordLEI eru kynnt. Með því að senda gögnin ábyrgist notandinn að gögnin séu rétt og eigi við um LEI-skráningarferlið. NordLEI áskilur sér rétt til að óska eftir frekari skjölum eða gögnum.

Notandinn skal útvega eða endurskoða LE-viðmiðunargögnin þegar um það er beðið. Notandinn er skyldur til þess að tilkynna NordLEI um allar breytingar á skráðum aðila sem kalla á breytingar á LE-viðmiðunargögnum og eru tilkomnar vegna tilvika lögaðilans sem skilgreind eru í GLEIS (‘tilvik lögaðila’). Finna má nokkur leiðbeinandi dæmi í viðauka 1 í þessum ákvæðum og skilmálum, www.nordlei.org/terms-and-conditions-appendix-1. Þetta skal gera með stöðugum hætti og í samræmi við árlega endurskoðun á LE-viðmiðunargögnum. NordLEI þarf hugsanlega að breyta LE-viðmiðunargögnum samkvæmt gildandi lögum eða innri reglum rekstraraðila.

Fyrir vörur til margra ára getur NordLEI árlega haft samband við notandann til að staðfesta að LE-viðmiðunargögn séu rétt og enn í gildi. Ef NordLEI tekst ekki að staðfesta að LE-viðmiðunargögnin séu uppfærð og rétt áskilur NordLEI sér rétt til að bíða með endurnýjun LEI-kóða þar til slík staðfesting er möguleg. Greitt er fyrir vörur til margra ára þegar þær eru pantaðar. Ekki er hægt að afpanta eða fá endurgreitt eftir að pöntun hefur verið gerð.

Notandinn skal tryggja að LEI-umsóknin sé einkvæm og vera meðvitaður um að einungis er hægt að úthluta hverjum lögaðila einum (1) LEI-kóða, þ.e. bannað er að leggja fram beiðni um annan LEI-kóða hjá NordLEI eða öðrum rekstraraðila. Ef vottunarferli leiðir í ljós að annar LEI-kóði hefur verið skráður (eða skráning er væntanleg) verður umsóknarbeiðninni hafnað.

Notandinn, fyrir eigin hönd og hönd allra lögaðila sem notandinn er fulltrúi fyrir, undirritunaraðila og allra annarra einstaklinga sem tengjast einhverjum gögnum sem verða hluti af LE-viðmiðunargögnum, framselur hér með til NordLEI öll nauðsynleg réttindi fyrir birtingu LE-viðmiðunagagnanna innan GLEIS-skráningarkerfisins.

Þriðji aðili kann að gera athugasemd við LE-viðmiðunargögnin. Þegar svo ber undir, er notanda tafarlaust skylt að veita NordLEI stuðning, afhenda öll umbeðin skjöl og gögn og aðhafast allt sem gerir NordLEI kleift að uppfylla skuldbindingar sínar eða samstarfsaðila síns um þjónustustig gagnvart GLEIF.

Notandinn gerir sér grein fyrir að allar upplýsingar sem eru veittar, og umsóknir og beiðnir sem eru lagðar fram til rekstraraðilans, verða að vera sendar inn af lögmætum undirritunaraðilum notandans og þess lögaðila sem hann er fulltrúi fyrir, og tilhlýðilega dagsettar og undirritaðar (með skriffærum eða lagalega gildri stafrænni staðfestingu), með vottfestingu yfirvalda einstaklingsins sem undirritar samninginn fyrir hönd lögaðilans. Notandinn gerir sér grein fyrir að GLEIF áskilur sér rétt til að krefjast millifærslu á LEI-kóða yfir til annars rekstraraðila.

Notandinn gerir sér grein fyrir að tengdur/tengdir LEI-kóði/kóðar undir reikningi notandans geta verið fluttir til NordLEI eða annars samstarfsrekstraraðila til þess að sinna framtíðarviðhaldi.

5. VERÐ OG REIKNINGAGERÐ

Gjöld fyrir þjónustuna eru birt í gjaldskránni sem er að finna á verðsíðunni www.nordlei.org/support-pricing og skal gjaldið greitt um leið og notandinn hefur lagt fram pöntun. Greiðsluaðilinn („greiðandinn“) – sem kann að vera annar en notandinn – skal greiða með greiðslukorti eða millifærslu til að ekki verði töf á útgáfu eða endurnýjun LEI-kóðans. Greiðslu má inna af hendi í völdum gjaldmiðli. Til að taka af allan vafa er full greiðsla skilgreind sem nettóupphæð sem greidd er til NordLEI utan skatta, bankagjalda, gjaldeyrisskiptaþóknunar og millifærslugjalda. NordLEI mun halda ógreiddum pöntunum opnum þar til greiðsla hefur borist eða þar til hún rennur út vegna þess að greiðsla hefur ekki borist. NordLEI mun ekki afgreiða útgáfu á LEI-kóða eða endurnýjunaratriði fyrr en full greiðsla hefur borist. Hafi NordLEI ekki borist full greiðsla á réttum tíma í samræmi við pöntunarstaðfestinguna, áskilur NordLEI sér rétt til að fjarlægja pöntunina.

NordLEI bætir við virðisaukaskatti eftir því sem við á, í samræmi við sænskar virðisaukaskattsreglur um þjónustu í Svíþjóð, ESB-ríkjum og öðrum löndum. NordLEI reiðir sig á VSK-númer og innheimtugögn borgunaraðilans („greiðandans“) sem notandinn skráir, sem kunna að vera frábrugðin gögnum notandans. NordLEI útvegar ekki aðrar gerðir af skattavottorðum, VSK-fyrirspurnum eða viðlíka.

Sé greiðandinn skráður í ESB-aðildarríki mun NordLEI staðfesta, að því marki sem hægt er, að ESB VSK-númerið sé til og í gildi. Sé notanda ófært að framvísa ESB VSK-númeri við skráningu innheimtir NordLEI fullan sænskan virðisaukaskatt við greiðslu, eða 25%. Þegar notandi getur látið í té gilt ESB VSK-númer skal greiðandi bera ábyrgð á greiðslu VSK á hverjum stað í samræmi við reglur um skattskylda VSK-veltu. Pöntunarstaðfestingin og kvittunin inniheldur allar nauðsynlegar ESB VSK-upplýsingar.

NordLEI sendir allar pöntunarstaðfestingar og kvittanir sem PDF-skjöl í tölvupósti. Kvittanir innihalda innheimtugögn og móttakanda reiknings sem notandinn skráði við skráningu í vefgátt NordLEI eða ferlinu fyrir margar skrár. Notandinn samþykkir, fyrir eigin hönd, alla lögaðila sem notandinn er fulltrúi fyrir, þ.m.t. skráðan móttakanda reiknings, notkun rafrænna sendinga á pöntunarstaðfestingum og kvittunum.

Öll gjöld og þóknanir sem tilgreind eru í gjaldskránni geta reglulega verið endurskoðuð af NordLEI, og kann NordLEI þá að hækka eða breyta öllum slíkum gjöldum. Fyrir virkan notanda skulu ný gjöld gilda fyrir næsta tímabil, ef og þegar LEI-kóðinn er endurnýjaður.

6. SKYLDUR NORDLEI

Nordlei vottar viðmiðunargögn lögaðila sem notandinn veitir. Slíkt felur í sér staðfestingu á því að umsóknaraðili sé raunverulegur lögaðili með því að nota opinberar upplýsingar, t.d. skráningu í fyrirtækjaskrá, opinberar heimasíður og opinber skjöl.

Ef nauðsyn krefur tilkynnir NordLEI notandanum það þegar umsóknir eru ófullnægjandi eða leitar frekari upplýsinga til staðfestingar á aðilanum þegar opinberar heimildir duga ekki til. Þegar hann fær tilkynningu ber notandanum að veita NordLEI umbeðnar upplýsingar.

NordLEI gerir viðeigandi ráðstafanir til að tryggja að enginn LEI-kóði hafi verið gefinn út af öðrum rekstraraðila fyrir sama lögaðila.

Notandinn eða skráður lögaðili hefur rétt á að biðja um millifærslu LEI-kóða til annars rekstraraðila (sem lögaðilinn tilgreinir sérstaklega) og/eða heimila öðrum rekstraraðila að biðja um slíka millifærslu fyrir sína hönd. Engin gjöld verða innheimt af NordLEI fyrir slíka millifærslu.

Þegar vottun á LEI-kóða fyrir tilvik lögaðila eru LE-viðmiðunargögnin uppfærð innan samþykkts tíma fyrir andmæli samkvæmt SLA á milli GLEIF og rekstraraðilans.

Ef þriðji aðili leggur fram andmæli gegn LE-viðmiðunargögnum upplýsir NordLEI notandann um það og vottar andmælin. Andmælin kunna að vera samþykkt og birt, eða þeim hafnað.

7. ALMENNAR UPPLÝSINGAR

Notandinn samþykkir að öll opinber viðmiðunargögn frá einkaaðilum sem NordLEI eða samstarfsaðili NordLEI aflar sér og móttekur við vottunarferlið verði, ef þau eru hluti af LE-viðmiðunargögnunum, samstundis birt og hægt sé að leita að þeim á vefsvæðum NordLEI og GLEIF, eftir því sem við á.

Ef fulltrúi skráðs lögaðila finnur rangar eða falsaðar upplýsingar meðal opinberra gagna NordLEI skal senda tölvupóst á support@nordlei.org til að hægt sé að kanna málið frekar.

8. GILDISTÍMI OG UPPSÖGN

Samningurinn sem er stýrt af þessum skilmálum skal gilda þar til annaðhvort notandinn eða NordLEI eru leyst upp eða á annan hátt hætta rekstri sínum (að öllu leyti eða, í tilfelli NordLEI, aðeins sem rekstraraðili). Uppsagnaraðili skal leggja fram skriflega tilkynningu um uppsögn sem skal taka gildi við móttöku þess aðila sem ekki segir upp samningnum.

Að því gefnu að annar hvor aðili sendi inn tilkynningu um uppsögn skal uppsögn koma til greina ef um er að ræða flutning á LEI-kóða (notanda eða lögaðilans sem notandinn er fulltrúi fyrir) til annars rekstraraðila eða til GLEiF. Uppsögnin skal taka gildi á þeim degi sem flutningnum er lokið og takmarkast við samning varðandi tiltekinn fluttan LEI-kóða.

Að því gefnu að NordLEI sendi inn tilkynningu um uppsögn kemur uppsögn til greina ef (i) notandi missir stöðu sína sem lögaðili með LEI-kóða, eða (ii) LEI-kóðinn er ógiltur vegna þess að notandi uppfyllir ekki kröfur við útgáfu endurnýjunar.

Að því gefnu að annar hvor aðili sendi inn tilkynningu um uppsögn kann uppsögn að taka strax gildi í tilvikum þegar um er að ræða (i) alvarleg eða endurtekin brot á samningstengdum skyldum sem ekki er unnt að bæta, eða bótum hefur verið hafnað þrátt fyrir viðunandi bótatímabil, eða (ii) ef aðalsamningi NordLEI við GLEIF er sagt upp (án bótaskyldu af hálfu NordLEI vegna nokkurs tjón sem hlýst af slíkri uppsögn).

9. ALMENNT

Ákvæðin og skilmálarnir geta verið uppfærðir af NordLEI hvenær sem er. Breytingum verður komið á framfæri við notandann við innskráningu á vefsetur NordLEI. Notanda þjónustu NordLEI ber lögum samkvæmt að fylgja ávallt gildandi ákvæðum og skilmálum.

Þessi ákvæði og skilmálar ásamt öllum viðaukum þeirra skulu gilda á ensku. Í öllum tilvikum þegar merkingarmunur verður á milli upprunalegu útgáfunnar á ensku og þýðingu textans, skal upprunalega enska útgáfan ávallt gilda. Allar tilkynningar samkvæmt þessum skilmálum skulu vera á ensku.

Þjónusta NordLEI lýtur sænskum lögum og allur málarekstur fer fram fyrir sænskum dómstólum.